馬騮公仔Bogey

呢隻馬騮公仔o係我好細個o個陣我媽咪買畀我o既,
佢o既年紀同我差唔多大.

但係我最近得閒用古鴿搜尋關於呢隻公仔o既資料o既時候,
發現佢其實係出自一套叫<Shirt Tales>o既美國卡通,
套卡通首播係o係1984年,而呢隻馬騮叫做Bogey

所以如果有人仍然有保留<Shirt Tales>系列o既公仔,
唔好隨意丟o左佢o地

頭盔娘

畫o左正常o既o野一段時間,

久唔久要畫呢o的o野,

一個戴頭盔o既少女.

另有睇到樣o既

這裡

摩艾雲

 

 

 

5月26日星期一o係西灣河攝影,形狀似摩艾石像o既雲

美琴電磁俠

原本想畫一隻普通o既美琴醬,
但忽然諗起70年代部某超電磁機械人,
而且美琴醬同某超電磁機械人有共通點(咪就係超電磁),
於是順水推舟就畫o左呢樣o野

已知駕駛員有貧乳雙馬尾o既小灰,右手哥

順帶一提,某超電磁機械人o既絕招佢唔識用,會獵奇o架

米卡莎

適逢J2播進擊的巨人,特別畫o左隻米卡莎(光之美少女模式),
而米卡莎同海洋天使正好係張頌欣配音.

不過腹肌控o既各位要失望啦,
因為衣著關係,冇腹肌睇

嘉道理農場o既櫻花

今年嘉道理農場櫻花o既花期o係1月尾至2月頭左右,
趁農曆新年前嘉道理農場未休息時,特登走去賞櫻,
原本嘉道理農場本身有巴士可以買飛搭巴士上去,
不過我堅持要行上去.
雖然o的櫻花未完全盛開,不過o甘辛苦行上去都值得.
順帶一提,o的櫻花o既品種係山櫻,同長洲o個o的係一樣

溫馨提示:
1:櫻花樹o係約550米高o既胡挺先生紀念亭附近,如果唔搭車,
請當自己係正式行山,準備至少一壺水同適量食物,以免體力不支.
2:影動物時請關掉閃光燈,以免動物受驚
3:山上冇垃圾筒,請勿亂拋垃圾
4:來回需時約2~3小時,而嘉道理農場平日於下午5時關閉,欲賞櫻者請預早入場

朱古力煙仔糖o既代替品

朱古力煙仔糖呢樣o野,
相信好多而加做人老豆老母o既都有買過o黎食,
就係外形扮真正o既香煙,入面就係唔係特別好食o既朱古力,
冇記錯最後一次買已經係7至8年前o既事,
之後一直搵唔到朱古力煙仔糖o既蹤影

不過早排幸運地o係一田買到類似o既朱古力,佢係扮顏色筆,
入面一樣係朱古力,但明顯好食一o的.
雖然唔係細個食o既朱古力煙仔糖,
但係暫時懷舊下先,至於見唔見到就要睇下一田仲會唔會入貨

耳機斷o左線

早幾日隻耳機右邊分線位斷o左線,想搵地方修理,
因為成千五蚊左右o既耳機就o甘丟o左佢實在太大嘥,
而且買個隻新耳機又要花時間煲

稍為搜索一下,得知深水埗o既深之都商場(黃金商場過1條街)
有間叫研音社o既舖頭有提修理耳機服務,
不過營業時間為16:00~20:00,最初太早o黎摸o左門釘,
唯有去附近行下打發時間

4點後老闆同其員工番o黎,救星到啦,佢只係用o左20分鐘左右就
整番好,修理費為100蚊.
順帶一提,老闆曾經表示分線位因為線多而且複雜好難修理,
事後仲影o左張相

其後為免日後再斷線冇耳機用,我走去買o左隻後備耳機(westone adv,煲機中)

另外我斷o左線o既耳機係Denon ah c250

現實中o既黑長直

講到黑長直,通常係一種屬性,ACG世界一大堆美少女,
羅杏芝等等

上個禮拜1黃昏,我行信和睇o野兼幫兩部3DS擦身時,
見到黑長直.
中國人大多黑髮,好正常;
女人留長頭髮,亦都好正常;
但我見到o既係頭髮直得好交關,而且頭髮到心口左右,
戴眼鏡,衣服類似OL裝.
或者我見識少,香港地應該好少有人o甘打扮,
由於實在太突出,所我到而加都仲記得好清楚

黑雪公主

加速世界o既黑雪公主.
件衫係o黎自光之美少女:幸福精靈o既伊絲,
如果肥雪見到黑雪突然間更換呢個o甘女王o既造型,
唔知會有乜o野反應呢?

之所以會o甘畫係因為配音梗,
黑雪公主同伊絲o係香港都係由羅杏芝配音,
講到羅杏芝,好多人都話佢專配黑長直